വടക്കേ ഇന്ത്യയില്‍ മഴക്കെടുതികള്‍ തുടരുന്നു. വിവിധ സംസ്ഥാനങ്ങളില്‍ മരിച്ചവരുടെ എണ്ണം അമ്പത് കടന്നു. മിന്നല്‍ പ്രളയവും കനത്ത മഴയും ജനജീവിതം താറുമാറാക്കിയ ഹിമാചലില്‍ മാത്രം 27 പേര്‍ മരിച്ചു. മഴ ഏറ്റവും ശക്തമായ ശനിയാഴ്ച മാത്രം ഹിമാചലില്‍ 21 പേരാണ് മരിച്ചത്. ഏഴ് വീടുകള്‍ തകര്‍ന്നു. നൂര്‍പൂര്‍ ഗ്രാമത്തിലാണ് മഴയില്‍ വീടുകള്‍ തകര്‍ന്നത്. വീടുകളില്‍ ഉണ്ടായിരുന്നവരെ സുരക്ഷിത കേന്ദ്രങ്ങളിലേക്ക് മാറ്റി. സംസ്ഥാനത്ത് മണ്ണിടിച്ചിലും ഉരുള്‍പൊട്ടലും ഉണ്ടായതിനെ തുടര്‍ന്ന് 96 റോഡുകളില്‍ ഗതാഗതം നിലച്ചു.
ഇവിടം ഗതാഗതയോഗ്യമാക്കുന്നതിനുള്ള നടപടികള്‍ പുരോഗമിക്കുകയാണ്. മധ്യപ്രദേശിലും കനത്ത മഴ തുടരുകയാണ്. സംസ്ഥാനത്ത് 39 ജില്ലകളില്‍ റെഡ് അലര്‍ട്ട് പ്രഖ്യാപിച്ചു. ഭോപ്പാല്‍, ഉജ്ജയിന്‍, ഇന്‍ഡോര്‍, ഗ്വാളിയോര്‍, ധാര്‍, കാര്‍ഗോണ്‍ തുടങ്ങി 12 ജില്ലകളില്‍ ശക്തമായ മഴയ്ക്ക് സാധ്യതയുള്ളതായാണ് മുന്നറിയിപ്പ്.
English summary; Rains continue in North India; Red alert in 39 districts of Madhya Pradesh
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.