സ്വന്തം കുഞ്ഞിനെ കൊലപ്പെടുത്തിയതിൽ പ്രതികാരം; കുരങ്ങൻമാർ കൊന്നത്​ 250ഓളം നായ്ക്കുട്ടികളെ.

കുരങ്ങന്റെ ​കുഞ്ഞിനെ കൊലപ്പെടുത്തിയ​ പ്രതികാരമായി 250ഓളം നായ്​ക്കുട്ടികളെ കുരങ്ങൻമാർ ചേർന്ന്​ കൊലപ്പെടുത്തുകയായിരുന്നു​. മഹാരാഷ്​ട്രയിലെ ബീഡ്​ ജില്ലയിലാണ്​ ഈ വിചിത്രമായ സംഭവം നടന്നത്.  നായ്​ക്കുട്ടികളെ പിടികൂടിയ ശേഷം ഉയർന്ന കെട്ടിടത്തിന്റെയും മരത്തിന്റെയും​ മുകളിലെത്തിച്ച്​ എറിഞ്ഞുകൊല്ലുകയായിരുന്നു​. ഒരു മാസത്തിനിടെയാണ് ഇത്രയധികം നായകുട്ടികളെ കൊന്നത്.

കുരങ്ങൻ കുഞ്ഞിനെ നായ്​ക്കൾചേർന്ന്​ കടിച്ചുകീറി കൊന്നതാണ്​ പ്രതികാരത്തിന്​ കാരണം. മജൽഗാവ്​, ലാവൽ ഗ്രാമങ്ങളിലാണ്​ കുരങ്ങൻമാരുടെ ആക്രമണം വ്യാപകം. ഇരുഗ്രാമങ്ങളിലും നായ്​ക്കുട്ടികളുടെ എണ്ണം ക്രമാതീതമായി കുറഞ്ഞതായും ഇതോടെ കുട്ടികളുടെ നേർക്കാണ്​ കുരങ്ങൻമാരുടെ ആക്രമണമെന്നും പ്രദേശവാസികൾ പറയുന്നു.

നായ്​കുട്ടിയുമായി പോകുന്ന ഒരു കുരങ്ങന്റെ ചിത്രവും പുറത്തുവന്നിരുന്നു. നായ്​ക്കളെ രക്ഷപ്പെടുത്താൻ ചിലർ ശ്രമിച്ചതായും എന്നാൽ അവർക്കും കുരങ്ങൻമാരുടെ ആക്രമണത്തിൽ പരിക്കേറ്റതായും റിപ്പോർട്ടുകൾ പറയുന്നു.

eng­lish sum­ma­ry; Revenge for killing his own child; The mon­keys killed about 250 puppies.

you may also like this video;