16 July 2024, Tuesday
KSFE Galaxy Chits

Related news

July 13, 2024
July 3, 2024
June 24, 2024
June 7, 2024
May 31, 2024
May 30, 2024
May 24, 2024
May 21, 2024
May 2, 2024
April 27, 2024

കോഴിക്കോട് അനാശാസ്യകേന്ദ്രത്തില്‍ അതിക്രമിച്ചുകയറി കവര്‍ച്ച; മൂന്നുപേര്‍ അറസ്റ്റില്‍

Janayugom Webdesk
കോഴിക്കോട്
May 26, 2022 9:43 am

മായനാട് ഒഴുകരയിലെ അനാശാസ്യകേന്ദ്രത്തില്‍ അതിക്രമിച്ചുകയറി 17,000 രൂപയും മൊബൈല്‍ഫോണുകളും കവര്‍ന്ന കേസില്‍ മൂന്നുപേര്‍ അറസ്റ്റില്‍. ചേവായൂര്‍ കാളാണ്ടിതാഴം കീഴ്മനതാഴത്തുവീട്ടില്‍ അരുണ്‍ദാസ് (28), ബേപ്പൂര്‍ മാളിയേക്കല്‍ പറമ്പില്‍ ഇസ്മായില്‍ (25), മുണ്ടിക്കല്‍താഴം തെക്കേമന ഇടത്തുപറമ്പില്‍ അമല്‍ എന്ന അപ്പു (22) എന്നിവരെയാണ് മെഡിക്കല്‍ കോളേജ് അസിസ്റ്റന്റ് കമ്മിഷണര്‍ കെ. സുദര്‍ശന്‍, ഇന്‍സ്പെക്ടര്‍ ബെന്നി ലാലു എന്നിവരുടെ നേതൃത്വത്തില്‍ അറസ്റ്റ് ചെയ്തത്.

ഏപ്രില്‍ 21‑ന് വൈകീട്ട് എട്ടുമണിയോടെയാണ് ഇവര്‍ മലപ്പുറം വേങ്ങര അച്ചനമ്പലം സ്വദേശി മൂഴിയാന്‍വീട്ടില്‍ അബ്ദുല്‍ജലീല്‍ നടത്തുന്ന മായനാട്ടെ അനാശാസ്യകേന്ദ്രത്തില്‍ അക്രമിച്ചുകയറി അവിടെയുള്ളവരെ ഭീഷണിപ്പെടുത്തി കവര്‍ച്ച നടത്തിയത്. ജാക്കറ്റും വിലകൂടിയ സണ്‍ഗ്ലാസും ഇവര്‍ കവര്‍ന്നിരുന്നു.

ഫ്ളാറ്റിലാണ് ഈ അനാശാസ്യകേന്ദ്രം. അന്യസംസ്ഥാനക്കാരായ പെണ്‍കുട്ടികളെയാണ് ഉപയോഗപ്പെടുത്തിയിരുന്നത്. പിറവം, സുല്‍ത്താന്‍ബത്തേരി സ്വദേശികളായ രണ്ടു യുവാക്കള്‍ ഇവിടെ വന്നതറിഞ്ഞാണ് നടത്തിപ്പുകാരനായ ജലീലിന്റെ എതിര്‍സംഘത്തില്‍പ്പെട്ടവര്‍ നല്‍കിയ വിവരമനുസരിച്ച് പ്രതികള്‍ അക്രമം നടത്തിയതെന്നാണ് പോലീസ് പറയുന്നത്. അനാശാസ്യകേന്ദ്രം നടത്തിയതിന് അബ്ദുല്‍ജലീലിനെയും പ്രതികളെ സഹായിച്ചവരെയും പിടികൂടാനുണ്ട്.

Eng­lish sum­ma­ry; Rob­bery at Kozhikode broth­el; Three arrested

 

You may also like this video;

 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.