13 April 2024, Saturday

Related news

September 6, 2023
August 30, 2023
August 23, 2023
June 21, 2023
April 19, 2023
April 18, 2023
March 31, 2023
March 15, 2023
February 27, 2023
January 31, 2023

മലബാർ മിൽമ ക്ഷീര കർഷകർക്ക് നാല് കോടി രൂപ നൽകും

Janayugom Webdesk
കോഴിക്കോട്
January 31, 2023 7:25 pm

മലബാർ മിൽമ ക്ഷീര കർഷകർക്ക് അധിക പാൽവിലയായി നാല് കോടി രൂപ നൽകും. ഫെബ്രുവരി ഒന്നു മുതൽ 28വരെ മേഖലാ യൂണിയന് പാൽ നൽകുന്ന എല്ലാ ക്ഷീര സംഘങ്ങൾക്കും നിശ്ചിത ഗുണനിലവാരമുള്ള പാലിന് ലിറ്ററിന് രണ്ടു രൂപ അധിക പാൽ വിലയായി നൽകാനാണ് മലബാർ മേഖലാ യൂണിയൻ ഭരണസമിതി യോഗം തീരുമാനിച്ചത്. 

പ്രതിദിനം ഏകദേശം എഴ് ലക്ഷം ലിറ്റർ പാലാണ് മലബാറിലെ ആറ് ജില്ലകളിലെ സഹകരണ സംഘങ്ങളിലൂടെ മിൽമ വാങ്ങുന്നത്. ഇതു പ്രകാരം ഫെബ്രുവരി മാസത്തിൽ മലബാറിലെ ക്ഷീര കർഷകരിലേക്ക് നാലു കോടി രൂപ അധിക പാൽവിലയായി എത്തിച്ചേരും.
മിൽമ ഡെയറിയിൽ സംഭരിച്ച നിശ്ചിത ഗുണനിലവാരമുള്ള പാലിന് ലിറ്ററിന് രണ്ടു രൂപ അധിക വിലയായി കണക്കാക്കി അർഹമായ ക്ഷീര സംഘങ്ങളുടെ അക്കൗണ്ടിലേക്ക് പാൽവിലയോടൊപ്പം നൽകും. ക്ഷീര സംഘങ്ങൾ ഈ തുക ക്ഷീര കർഷകർക്ക് നൽകും. അധിക പാൽവില കൂടെ കൂട്ടുമ്പോൾ മിൽമ ക്ഷീര സംഘങ്ങൾക്ക് നൽകുന്ന ഒരു ലിറ്റർ പാലിന്റെ വില 47.59 രൂപയാകുമെന്ന് മിൽമ ചെയർമാൻ കെ എസ് മണി, മാനെജിംഗ് ഡയറക്ടർ ഡോ. പി മുരളി എന്നിവർ അറിയിച്ചു.

Eng­lish Sum­ma­ry: Rs 4 crore to dairy farmers

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.