February 8, 2023 Wednesday

Related news

January 27, 2023
January 26, 2023
January 26, 2023
January 26, 2023
January 26, 2023
January 26, 2023
January 25, 2023
January 25, 2023
January 18, 2023
January 28, 2022

റിപ്പബ്ലിക് ദിനത്തിൽ രാജ്പഥിൽ നടക്കുന്ന മാർച്ചിൽ പങ്കെടുക്കാന്‍ ആലപ്പുഴയിലെ വിദ്യാര്‍ത്ഥികളും

Janayugom Webdesk
January 18, 2023 12:17 pm

ആലപ്പുഴ റിപ്പബ്ലിക് ദിനത്തിൽ രാജ് പഥിൽ നടക്കുന്ന മാർച്ചിൽ ഇന്ത്യൻ സൈന്യത്തോടൊപ്പം മാർച്ച് ചെയ്യുന്ന എന്‍ സി സി കേഡറ്റുകളുടെ കൂട്ടത്തിൽ ഇത്തവണ എസ്ഡി കോളേജിലെ ജോയൽ ജ്യോതിഷ് , അഭിഷേക് എസ് , അഞ്ജലി കൃഷ്ണ , അപർണ്ണ അജയകുമാർ എന്നീ നാല് കേഡറ്റുകൾ പങ്കെടുക്കും. പത്ത് വിവിധ ക്യാംപുകളിൽ പങ്കെടുത്ത് പ്രാഗത്ഭ്യം തെളിയിച്ചിശേഷമാണ് ഇവർക്ക് ഡല്‍ഹിയിൽ നടക്കുന്ന ക്യാംപിൽ പങ്കെടുക്കാൻ അവസരം ലഭിച്ചത് . സീനിയർ അണ്ടർ ഓഫീസർ ജോയൽ ഇംഗ്ലീഷ് സാഹിത്യംമൂന്നാം വർഷ വിദ്യാർത്ഥിയും അഭിഷേക് ഫിസിക്സ് മൂന്നാം വർഷ വിദ്യാർത്ഥിയും അഞ്ജലി കൃഷ്ണ ബികോം മൂന്നാം വർഷ വിദ്യാർത്ഥിനിയും അപർണ ഫിസിക്സ് രണ്ടാം വർഷ വിദ്യാർത്ഥിനിയും ആണ്. 

ഡിസംബർ 29 മുതൽ ജനവരി 25 വരെ ഇവർ തീവ്ര പരിശീലനത്തിലാണ്. സീനിയർ അണ്ടർ ഓഫീസർ ജോയൽ കേരള ലക്ഷദ്വീപ് കണ്ടിൻജെന്റിന്റെ കമാന്‍ഡറും സർജന്റ് അഞ്ജലി ഗാർഡ് ഓഫ് ഓണറിന്റെ കമാന്‍ഡറും , കോർപറൽ അപർണ പ്രധാനമന്ത്രിയുടെ വസതിയിൽ നടക്കുന്ന കലാപരിപാടിയിലേക്ക് തിരഞ്ഞെടുക്കപ്പെട്ട കലാകാരിയും ജൂനിയർ അണ്ടർ ഓഫീസർ അഭിഷേക് പി എം റാലിയിലെ പരേഡ് അംഗവുമാണ്. കേരള & ലക്ഷദ്വീപ് ഡയക്ടറേറ്റിനു കീഴിലുള്ള കൊല്ലം ഗ്രൂപ്പിലെ 11 കേരള ബറ്റാലിയന്റെ പ്രാഥമിക പരിശീലനമാണ് ഇവരെയൊക്കെ ഇതിന് അർഹരാക്കിയത്.

Eng­lish Sum­ma­ry: Stu­dents of Alap­puzha to par­tic­i­pate in the march on Raj Path on Repub­lic Day

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.