ഓണാഘോഷത്തിന്റെ ഭാഗമായി കാലങ്ങളായി പൊതു സമൂഹം കൊണ്ടുനടക്കുന്ന മാവേലിയുടെ പൊതുബോധരൂപത്തെ തിരുത്തുകയാണ് കാലടി സംസ്കൃത സർവകലാശാലയിലെ ചരിത്ര വിഭാഗം വിദ്യാർഥികൾ. വെളുത്ത് തടിച്ചുരുണ്ട കൊമ്പൻ മീശക്കാരനായ മാവേലിയുടെ രൂപത്തെ തിരുത്തുന്ന പല പോസ്റ്ററുകളും വിവിധ ക്യാമ്പസുകളുടെ പേരിൽ നവമാധ്യമങ്ങളിൽ വൈറലാകുമ്പോഴാണ് പെൺമാവേലിയുമായി സംസ്കൃത സർവകലാശാലയിലെ ഹിസ്റ്ററി ഡിപ്പാർട്ട്മെന്റ് ഓണം ആഘോഷിച്ചത്. സ്വർണ്ണ കിരീടം അണിയാതെ പെൺമാവേലി ഇല കിരീടം അണിഞ്ഞതും വ്യത്യസ്തതക്ക് പകിട്ടേകി.
ചരിത്രവിഭാഗത്തിൽ പി എച്ച് ഡി ഗവേഷകയായ എ ഭവ്യയാണ് സ്റ്റീരിയോടൈപ്പ് മാവേലി രൂപത്തെ പെൺമാവേലിയായിമാറി പൊളിച്ചഴുതിയത്. സർവ്വകലാശാലയിലെ സംസ്കൃത സാഹിത്യം ഡിപ്പാർട്മെന്റിലും പെൺമാവേലിയുമൊത്താണ് ഓണമാഘോഷിച്ചത്.
വിദ്യാർത്ഥികളും ഗവേഷകരും അധ്യാപകരുമടങ്ങുന്നവരുടെ ഓണാഘോഷത്തിന് ഹിസ്റ്ററി ഡിപ്പാർട്മെന്റ് എച് ഒ ഡി ഡോ. കെ എം ഷീബ, ഡോ. എൻ ജെ ഫ്രാൻസിസ്, ഡോ. അഭിലാഷ് മലയിൽ എന്നിവർ നേതൃത്വം നൽകി.
English Summary: Students of Sanskrit University celebrating Onam with female maveli
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.