16 June 2024, Sunday

വര

സ്മിത
കന്നട കവിത
August 20, 2023 2:42 am

എങ്ങനെയോ വന്നു
കേറിക്കൂടിയിരിക്കുന്നു
എന്റെയും നിന്റെയും
നടുവിലൊരു ചെറിയ വര

വരച്ചത് നീയല്ലെന്ന് പറഞ്ഞു
തീർച്ചയായും ഞാനല്ല
സൂക്ഷിച്ചുനോക്കിയാൽ
കാണുന്ന ഈ വര എവിടുന്നാണ് വന്നത് ?

ഇഞ്ചിഞ്ചായി വളരുന്നു
ഉയരുന്നു
രണ്ടുപേർക്കും അതിനെ വെറുപ്പാണ്
എഴുതാത്ത വരയെ മായ്ക്കുന്നത് എന്തിന്?

വല്ലാതെ വളർന്ന്
വര മതിലായാൽ
നമ്മൾ പരസ്പരം
കാണുന്നതെങ്ങനെ?

വരയുടെ മൂർച്ച ഇപ്പോൾ
ചങ്കിനെ തൊട്ട് പേടിപ്പിക്കുന്നു
വരകൾ ഒന്നിനൊന്ന് കൂട്ടുന്നു
കിഴിക്കുന്നു, ഗുണിക്കുന്നു,
ഭാഗിച്ചു കിട്ടുന്ന ശേഷം
മാത്രം ശേഷിക്കുന്നു

ഇനി ശ്രദ്ധിക്കണം
എങ്ങനെയോ വന്ന വരയെ കണ്ടല്ലോ
ഉദാസീനത വിട്ടു വേഗം വാ
മായ്ച്ച് കളയാം
അതിന്റെ നടുവിൽ
നമുക്ക് നമ്മെ കാണാവുന്ന
കണ്ണാടി തൂക്കിയിടാം

വിവർത്തനം: സുനിത കുശാൽ നഗർ

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.