വെള്ളിക്കുളങ്ങര പോത്തന്ചിറ പ്രദേശത്ത് ഉപയോഗശൂന്യമായ സെപ്റ്റിക് ടാങ്കില് വീണ് കാട്ടാന ചരിഞ്ഞു. പഞ്ഞികാരന് യോഹന്നാന്റെ ഉടമസ്ഥതയിലുള്ള പോത്തന്ചിറയിലെ പറമ്പിലാണ് ചൊവ്വാഴ്ച രാവിലെ കൊമ്പനെ ചരിഞ്ഞ നിലയില് കണ്ടത്. തുമ്പിക്കൈയും മുന്കാലുകളും ഉള്പ്പെടെ കുഴിയിലേക്ക് കൂപ്പുകുത്തിയ നിലയിലായതിനാല് ആനയുടെ ജഡത്തിന്റെ പിന്ഭാഗം മാത്രമാണ് മുകളിലേക്ക് കാണുന്നത്. വനാതിര്ത്തിയോട് ചേര്ന്നുള്ള സ്ഥലമാണിത്.
കഴിഞ്ഞ രണ്ടു ദിവസങ്ങളിലായി പ്രദേശത്ത് കാട്ടാനയിറങ്ങി റബര്, തെങ്ങ് അടക്കമുള്ള കാര്ഷിക വിളകള് നശിപ്പിച്ച് വന്തോതില് കൃഷി നാശമുണ്ടാക്കിയിരുന്നു. പഴയ സെപ്റ്റിക് ടാങ്കിനു മുകളിലെ കോണ്ക്രീറ്റ് സ്ലാബുകളില് ചവിട്ടിയപ്പോള് സ്ലാബ് തകര്ന്നാണ് ആന കുഴിയിലേക്ക് വീണതെന്നാണ് കരുതുന്നത്. വെള്ളിക്കുളങ്ങര ഫോറസ്റ്റ് റേഞ്ച് ഓഫീസര് ജോബിന് ജോസഫിന്റെ നേതൃത്വത്തില് വനപാലകര് സ്ഥലത്തെത്തി നടപടി സ്വീകരിച്ചു.
English summary; wild elephant fell into the septic tank at Vellikulangara and died
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.