മാലിദ്വീപിലേക്ക് ബിസിനസ് യാത്ര നടത്തുന്നവര്‍ക്ക് വിസ ആവശ്യമില്ല. ഇന്ത്യയില്‍ നിന്ന് ദ്വീപ് രാഷ്ട്രമായ മാലിദ്വീപിലേക്ക് വിസ രഹിത പ്രവേശനത്തിന് രാജ്യം അനുമതി നല്‍കി. ഈ മാസം 1 മുതല്‍ ബിസിനസ് ആവശ്യങ്ങള്‍ക്കായി ഇന്ത്യന്‍ പൗരന്മാര്‍ക്ക് വിസ ഫ്രീ എന്‍ട്രി അനുവദിക്കുന്നതിനുള്ള നടപടിക്രമങ്ങള്‍ ആരംഭിച്ചതായി മാലിദ്വീപ് വിദേശകാര്യ മന്ത്രാലയം പ്രസ്താവനയില്‍ പറഞ്ഞു. അതേസമയം ഫ്രീ വിസയുടെ കാലാവധി 90 ദിവസം മാത്രമായിരിക്കും.
2018 ഡിസംബര്‍ 17ന് ഇരു രാജ്യങ്ങളും ഒപ്പുവച്ച വിസ ക്രമീകരണങ്ങള്‍ സുഗമമാക്കുന്നതിനുള്ള സംയുക്ത കരാര്‍ പ്രകാരമാണിത്. പരസ്പര ക്രമീകരണത്തിന്റെ ഭാഗമായി, ഇന്ത്യന്‍ പൗരന്മാര്‍ക്ക് ഒന്നിലധികം എന്‍ട്രി, നോണ്‍ റെസിഡന്റ്, ബിസിനസ് വിസ അനുവദിക്കും. 6 മാസത്തിനുള്ളില്‍ 90 ദിവസത്തെ കാലയളവില്‍ ഈ സൗകര്യം ഉപയോഗിക്കാം. അംഗീകൃത ബിസിനസ് വിസയുള്ള ഏത് ഇന്ത്യന്‍ പൗരനും ഒരു വര്‍ഷത്തിനുള്ളില്‍ 180 ദിവസം വരെ വിസ പുതുക്കാന്‍ അര്‍ഹതയുണ്ടെന്നും പ്രസ്താവനയില്‍ പറയുന്നുണ്ട്.
English Summary; Travel to Maldives on demand, without a visa …
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.