26 May 2024, Sunday

Related news

April 5, 2024
October 29, 2023
January 31, 2023
June 30, 2022
May 18, 2022
April 4, 2022
February 21, 2022
December 29, 2021
December 15, 2021
December 2, 2021

ദക്ഷിണേന്ത്യയിൽ ഏറ്റവും കൂടുതൽ ശൈശവ വിവാഹങ്ങൾ നടക്കുന്നത് ആന്ധ്രയിൽ; കുറവ് കേരളത്തിൽ

Janayugom Webdesk
ന്യൂഡല്‍ഹി
May 18, 2022 8:27 pm

ദക്ഷിണേന്ത്യയിൽ ഏറ്റവും കൂടുതൽ ശൈശവ വിവാഹങ്ങൾ നടക്കുന്നത് ആന്ധ്രപ്രദേശിലാണെന്ന് ദേശീയ കുടുംബാരോഗ്യ സർവേ റിപ്പോർട്ട്. 2019ൽ നടന്ന സർവേയുടെ ഫലങ്ങളാണ് ഇപ്പോൾ പുറത്തുവന്നിരിക്കുന്നത്. 11,346 കേസ് പഠനങ്ങളുടെ അടിസ്ഥാനത്തിലാണ് സർവേ ഫലം പുറത്തുവന്നിരിക്കുന്നത്. ശൈശവ വിവാഹങ്ങൾ വർധിക്കാൻ കോവിഡ് മഹാമാരിയും അതേത്തുടർന്നുണ്ടായ ലോക്ക്ഡൗണും കാരണമായെന്നും സർവേയില്‍ കണ്ടെത്തി.

29.3 ശതമാനം ശൈശവ വിവാഹങ്ങളാണ് ആന്ധ്രാപ്രദേശിൽ ഈ കാലയളവിൽ നടന്നത്. മുൻപ് ഇത് 33 ശതമാനമായിരുന്നു. ശൈശവ വിവാഹങ്ങളുടെ എണ്ണം കുറഞ്ഞിട്ടുണ്ടെങ്കിലും ദക്ഷിണേന്ത്യയിൽ വ്യാപകമായി ശൈശവ വിവാഹം നടക്കുന്ന സംസ്ഥാനമാണ് ആന്ധ്രാപ്രദേശ് എന്ന് സർവേ ഫലങ്ങൾ സൂചിപ്പിക്കുന്നു. 15 മുതൽ 19 വയസ് പ്രായമുള്ള പെൺകുട്ടികൾ ഗർഭിണികളാകുന്നതിന്റെ നിരക്കും ആന്ധ്രാപ്രദേശിൽ വളരെ കൂടുതലാണ്.

തെലുങ്കാനയാണ് ശൈശവ വിവാഹങ്ങളുടെ എണ്ണത്തിൽ രണ്ടാം സ്ഥാനത്ത്. 23.5 ശതമാനമാണ് സംസ്ഥാനത്ത് നടക്കുന്ന ശൈശവ വിവാഹങ്ങളുടെ നിരക്ക്. തൊട്ടുപിന്നിൽ കർണാടകയാണ്. 21.3 ശതമാനമാണ് ശൈശവ വിവാഹ നിരക്ക്. തമിഴ്‌നാട്ടിൽ 12.8 ശതമാനം ശൈശവ വിവാഹങ്ങളാണ് റിപ്പോർട്ട് ചെയ്തിരിക്കുന്നത്. കേരളത്തിലാണ് ശൈശവ വിവാഹം ഏറ്റവും കുറവ് രേഖപ്പെടുത്തിയത്. 6.3 ശതമാനം ശൈശവ വിവാഹങ്ങളാണ് കേരളത്തിൽ നടക്കുന്നത്.

Eng­lish summary;Andhra Pradesh has the high­est num­ber of child mar­riages in South India; Less in Kerala

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.