14 July 2024, Sunday
KSFE Galaxy Chits

Related news

November 16, 2023
October 27, 2023
September 22, 2023
September 21, 2023
September 20, 2023
September 18, 2023
September 17, 2023
September 15, 2023
September 14, 2023
September 6, 2023

നീലഭൂമിയും ചന്ദ്രബിംബവും പകര്‍ത്തി ചന്ദ്രയാൻ‑3

Janayugom Webdesk
ബംഗളൂരു
August 10, 2023 9:45 pm

ചന്ദ്രയാൻ‑3 പകര്‍ത്തിയ രണ്ട് ചിത്രങ്ങള്‍ കൂടി ഐഎസ്ആര്‍ഒ പുറത്തുവിട്ടു. വിക്ഷേപണ സമയത്ത് ലാൻഡര്‍ ഇമേജര്‍ (എല്‍ഐ) കാമറ ഉപയോഗിച്ച് ചന്ദ്രയാൻ പകര്‍ത്തിയ ഭൂമിയുടെ ചിത്രവും ചന്ദ്രന്റെ ഭ്രമണപഥത്തിലെത്തുന്ന പ്രക്രിയയായ ലൂണാര്‍ ഓര്‍ബിറ്റ് ഇൻസേര്‍ഷൻ(എല്‍ഒഐ) ദിനത്തില്‍ ലാൻഡര്‍ ഹൊറിസോണ്ടല്‍ വെലോസിറ്റി (എല്‍എച്ച്‌വിസി) കാമറ പകര്‍ത്തിയ ചന്ദ്രന്റെ ചിത്രവുമാണ് ഐഎസ് ആര്‍ഒ എക്സി(ട്വിറ്റര്‍)ലൂടെ പുറത്ത് വിട്ടത്. ഈ മാസം ഒന്നിന് എല്‍ഒഐ സമയത്ത് ചന്ദ്രയാൻ പകര്‍ത്തിയ ഒരു വീഡിയോ ബഹിരാകാശ ഗവേഷണ കേന്ദ്രം പുറത്തുവിട്ടിരുന്നു. 

ഗുജറാത്തിലെ അഹമ്മദാബാദ് സ്പേസ് ആപ്ലിക്കേഷൻ സെന്ററിലാണ് എല്‍ഐ കാമറ വികസിപ്പിച്ചത്. കര്‍ണാടകയിലെ ബംഗളൂരുവിലുള്ള ലബോറട്ടറി ഫോര്‍ ഇലക്ട്രോ-ഒപ്റ്റിക്സ് സിസ്റ്റത്തിലാണ് എല്‍എച്ച്‌വി കാമറ വികസിപ്പിച്ചത്.
ചന്ദ്രന്റെ ആകര്‍ഷണ വലയത്തിലുള്ള പേടകം ഘട്ടംഘട്ടമായി ചന്ദ്രോപരിതലത്തിലേക്ക് അടുപ്പിക്കുന്ന പ്രവര്‍ത്തനങ്ങളാണ് ഇപ്പോള്‍ നടക്കുന്നത്. നിലവില്‍ 174കിമീ*1437കിമീ ഭ്രമണപഥത്തിലാണ് ചന്ദ്രയാന്‍-3 പേടകം. 14ന് ഉച്ചയ്ക്ക് 11.30നും 12.30നുമിടയിലാണ് അടുത്ത ഘട്ട ഭ്രമണപഥം താഴ്ത്തല്‍. 16ന് ലാൻഡറും റോവറും പ്രൊപ്പല്‍ഷൻ മൊഡ്യൂളില്‍ നിന്ന് വേര്‍പെടും. 18നായിരിക്കും ചന്ദ്രയാൻ അവസാനഘട്ട ഭ്രമണപഥം താഴ്ത്തുക. ശേഷം പേടകത്തിന്റെ വേഗത കുറച്ച് 23ന് സോഫ്റ്റ് ലാൻഡിങ് നടത്തുകയാണ് ഐഎസ്ആര്‍ഒയുടെ ലക്ഷ്യം. 

Eng­lish Sum­ma­ry: Chandrayaan‑3 cap­tures blue sky and moon image

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.