കേരളത്തിന് അഭിമാനം. ആര്‍ ഹരി കുമാര്‍ നാവികസേനാ തലവനായി ചുമതലയേറ്റു. പ്രതിരോധ മന്ത്രാലയത്തിന് മുന്നില്‍ നടന്ന ചടങ്ങിലായിരുന്നു സ്ഥാനാരോഹണം. ആഴക്കടല്‍ സുരക്ഷയണ് രാജ്യം ഇപ്പോള്‍ നേരിടുന്ന ഏറ്റവും വലിയ വെല്ലുവിളി. അത് മറികടക്കാന്‍ രാജ്യത്തിനാകും. സ്ഥാനമൊഴിഞ്ഞ നാവിക സേനാ മേധാവി കരംബീറില്‍ നിന്നും ചുമതലയേറ്റ ഹരികുമാര്‍ പറഞ്ഞു.
തിരുവനന്തപുരം പട്ടം സ്വദേശിയായ ഹരികുമാര്‍ നാഷണല്‍ ഡിഫന്‍സ് അക്കാദമിയിലെ പൂര്‍വ വിദ്യാര്‍ത്ഥിയാണ്. 1983 ജനുവരി ഒന്നിനാണ് ഇന്ത്യന്‍ നാവികസേനാംഗമായത്. 38 വര്‍ഷത്തിലേറെ നീണ്ട തന്റെ സേവന കാലയളവില്‍, പീരങ്കി അഭ്യാസങ്ങളില്‍ വിദഗ്‌ധനായ അദ്ദേഹം നിരവധി സുപ്രധാന സ്ഥാനങ്ങള്‍ വഹിച്ചിട്ടുണ്ട്. നാവികസേനാ മേധാവിയായി ചുമതലയേല്‍ക്കുന്നതിന് മുമ്പ് അദ്ദേഹം മുംബൈയിലെ വെസ്റ്റേണ്‍ നേവല്‍ കമാന്‍ഡിലെ ഫ്ലാഗ് ഓഫിസര്‍ കമാന്‍ഡിങ്-ഇന്‍ ചീഫായിരുന്നു.
english summary; Chief of Naval Staff R Harikumar took charge
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.