അമേരിക്കയോട് ചെയ്യുന്നത് പോലെ തന്നെ ചൈന ഓരോ ഘട്ടത്തിലും ഇന്ത്യയെ പ്രകോപിപ്പിച്ചുകൊണ്ടിരിക്കുകയാണെന്ന് യുഎസ് നയതന്ത്രപ്രതിനിധി. ചൈനയുടെ പ്രകോപനങ്ങളെ പ്രതിരോധിക്കാനുതകുന്ന രീതിയില്‍ ഇന്ത്യയുടെ സൈനികശക്തി ശക്തിപ്പെടുത്താന്‍ വാഷിങ്ടണ്‍ പ്രതിജ്ഞാബന്ധമാണെന്നും ബൈഡന്‍ ഭരണകൂടത്തിലെ മുതിര്‍ന്ന ഉദ്യോഗസ്ഥനായ ഡൊണാള്‍ഡ് ലു പറഞ്ഞു.
കിഴക്കന്‍ ലഡാക്കില്‍ സേനയെ വിന്യസിച്ച് കരാര്‍ ലംഘനം നടത്തിയതിനെ തുടര്‍ന്ന് ഇന്ത്യയും ചൈനയും തമ്മിലുള്ള ബന്ധം വഷളായിരിക്കുകയാണ്. ഗല്‍വാന്‍ ആക്രമണത്തില്‍ പരിക്കേറ്റ സൈനികനെ ഒളിമ്പിക് ദീപശിഖാ വാഹകനാക്കിയതില്‍ പ്രതിഷേധിച്ച് ഇന്ത്യ ബെയ്ജിങ് ഒളിമ്പിക്സ് നയതന്ത്രബഹിഷ്കരണം നടത്തിയിരുന്നു.
ഇരുപത് ഇന്ത്യന്‍ സൈനികരെ കൊലപ്പെടുത്തിയ ആക്രമണത്തില്‍ പങ്കെടുത്ത് പരിക്കേറ്റ ഒരാളെ ഒളിമ്പിക്സിന്റെ മുന്‍നിരയില്‍ നിര്‍ത്തിയും അരുണാചല്‍ പ്രദേശിലെ നഗരങ്ങളുടെ പേര് മാറ്റിയും ഭൂപടം മാറ്റിവരച്ചുമൊക്കെ ചൈന ഇന്ത്യയെ പ്രകോപിപ്പിച്ചു കൊണ്ടിരിക്കുകയാണ്. നാവിക സേന, ഇന്റലിജന്‍സ് വിവര കൈമാറ്റം, ബഹിരാകാശം, സൈബര്‍ സ്പേസ് തുടങ്ങി വിവിധ മേഖലകളില്‍ സഹകരണം ഉറപ്പാക്കി ചൈനയുടെ പ്രകോപനങ്ങളെ പ്രതിരോധിക്കാന്‍ ഇന്ത്യയെ സഹായിക്കുമെന്നും ലു പറഞ്ഞു.
English Summary:China continues to provoke India: US diplomat
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.