കോവിഡ് മാനദണ്ഡങ്ങള് ലംഘിച്ചുവെന്ന കേസില് 12 തബ്ലീഗ് ജമാഅത്ത് പ്രവര്ത്തകരെ ഉത്തര് പ്രദേശിലെ ബറേലി കോടതി വെറുതെവിട്ടു. തായ്ലന്ഡില്നിന്നുള്ള ഒമ്പതുപേരെയും തമിഴ്നാട്ടില്നിന്നുള്ള രണ്ടുപേരെയും ഒരു യുപി സ്വദേശിയെയുമാണ് തെളിവില്ലെന്ന് ചൂണ്ടിക്കാട്ടി കോടതി വെറുതെ വിട്ടത്.
കഴിഞ്ഞ വര്ഷം ഷാജഹാന്പൂരിലെ ഒരു പള്ളിയില്നിന്നാണ് ഇവരെ യുപി പൊലീസ് അറസ്റ്റ് ചെയ്തത്. ഷാജഹാന്പൂരിലെ സാദര് പൊലീസ് സ്റ്റേഷനില് ഇവര്ക്കെതിരെ കേസ് രജിസ്റ്റര് ചെയ്തു. ഇന്ത്യന് ശിക്ഷാ നിയമം, പകര്ച്ചവ്യാധി നിയമം, ഡിസാസ്റ്റര് മാനേജ്മെന്റ് ആക്ട്, ഫോറിനേഴ്സ് ആക്ട്, പാസ്പോര്ട്ട് ആക്ട് എന്നിവയിലെ വിവിധ വകുപ്പുകള് ചാര്ത്തിയായിരുന്നു കേസ്. കേസിന്റെ വാദംകേള്ക്കല് ബറേലിയിലാണ് നടന്നത്.
കഴിഞ്ഞ വര്ഷം മാര്ച്ചില് ഡല്ഹി നിസാമുദ്ദീനില് നടന്ന തബ്ലീഗ് യോഗത്തില് പങ്കെടുത്തവര് കോവിഡ് പരത്തിയെന്ന് ആരോപിച്ച് പലയിടങ്ങളിലും കേസെടുത്തിരുന്നു. എന്നാല്, മുംബൈ ഉള്പ്പെടെ മിക്കയിടങ്ങളിലും ഇവരെ കുറ്റക്കാരല്ലെന്നുകണ്ട് കോടതി വിട്ടയക്കുകയായിരുന്നു. എന്നാല് നിരവധി വിദേശികള് ഉള്പ്പെടെയുള്ളവര് ജയില്വാസം അനുഭവിക്കേണ്ടിവന്നു.
ENGLISH SUMMARY:Covid violated standards; UP court acquits 12 Tablighi activists
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.