കേരള സാങ്കേതിക വിദ്യാഭ്യാസ മുന്‍ സീനിയര്‍ ജോയിന്റ് ഡയറക്ടര്‍ ഡോ. സിസ തോമസിനെ തിരുവനന്തപുരം ബാര്‍ട്ടണ്‍ ഹില്‍ എന്‍ജിനീയറിങ് കോളജ് പ്രിന്‍സിപ്പലായി നിയമിച്ചു. എപിജെ അബ്ദുള്‍ കലാം സാങ്കേതിക സര്‍വകലാശാല ഇടക്കാല വിസിയാണ് സിസ തോമസ് നിലവില്‍.
സര്‍ക്കാര്‍ എന്‍ജിനീയറിങ് കോളജുകളില്‍ നിലവില്‍ ഒഴിവുള്ള പ്രിന്‍സിപ്പല്‍ തസ്തികകള്‍ നികത്തുന്നതിന്റെ ഭാഗമായുള്ള തീരുമാനത്തിലാണ് സിസയെ ബാര്‍ട്ടണ്‍ ഹില്ലിലേക്ക് സ്ഥലം മാറ്റം നല്‍കി നിയമിച്ചത്.
ജോയിന്റ് ഡയറക്ടര്‍ സ്ഥാനത്ത് നിന്ന് നീക്കിയതിനെതിരെ സിസ തോമസ് അഡ്മിനിസ്ട്രേറ്റീവ് ട്രിബ്യൂണലില്‍ പരാതിപ്പെട്ടിരുന്നു. എന്നാല്‍, സര്‍ക്കാര്‍ തീരുമാനം ശരിവച്ചുള്ള ഉത്തരവാണ് ട്രിബ്യൂണലും പുറപ്പെടുവിച്ചത്. ജോയിന്റ് ഡയറക്ടര്‍ സ്ഥാനത്ത് തുടരാന്‍ സിസ അയോഗ്യയാണെന്നായിരുന്നു വിധി. അഡ്മിനിസ്ട്രേറ്റീവ് ട്രിബ്യൂണല്‍ ഉത്തരവിന്റെ കൂടി അടിസ്ഥാനത്തിലാണ് സിസയെ നിയമിക്കുന്നതെന്ന് സ്ഥലമാറ്റ ഉത്തരവിലും വ്യക്തമാക്കുന്നുണ്ട്.
മുന്‍ വിസിയായിരുന്ന ഡോ. എം എസ് രാജശ്രീയാണ് ഇപ്പോള്‍ സാങ്കേതിക വിദ്യാഭ്യാസ ജോയിന്റ് ഡയറക്ടര്‍. ഡോ. വി സുരേഷ് ബാബുവിനെ തിരുവനന്തപുരം കോളജ് ഓഫ് എന്‍ജിനീയറിങ്ങിലും ഡോ. ജി ആര്‍ ബിന്ദുവിനെ തൃശൂര്‍ എന്‍ജിനീയറിങ് കോളജിലും ഡോ. ലീന മേരിയെ കോഴിക്കോട് എന്‍ജിനീയറിങ് കോളജിലും നിയമിച്ചിട്ടുണ്ട്.
English Summary; Dr. Sisa Thomas, Principal, Barton Hill College
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.