ട്രെയിൻ യാത്രക്കിടെ ഭക്ഷ്യവിഷബാധ; അഞ്ചംഗം കുടുംബം ചികിത്സ തേടി

ട്രെയിൻ യാത്രയ്ക്കിടെ അഞ്ചംഗ കുടുംബത്തിന് ഭക്ഷ്യവിഷബാധയേറ്റതായി പരാതി. മാവേലി എക്സ്പ്രസിൽ തിരുവനന്തപുരത്തേക്കുള്ള യാത്രയ്ക്കിടെ ഭക്ഷ്യവിഷബാധയേറ്റത്. കുടുംബം തൃശൂർ ജില്ലാ ആശുപത്രിയിൽ ചികിത്സ തേടി.

തിരുവനന്തപുരം സ്വദേശിനി ശ്രീക്കുട്ടി, ദിയ (4), അവന്തിക (9), നിവേദ്യ (9), നിരഞ്ജന (4) എന്നിവർക്കാണ് ഭക്ഷ്യവിഷബാധയേറ്റത്. മൂകാംബികയിൽ നിന്നും തിരുവനന്തപുരത്തേക്ക് വരികയായിരുന്നു ഇവർ. യാത്രക്കിടെ മംഗലാപുരം റയിൽവേ സ്റ്റേഷനിൽ നിന്ന് ഭക്ഷണം വാങ്ങി കഴിച്ചിരുന്നതായി ഇവർ പറഞ്ഞു.

എന്നാൽ ആശങ്കപ്പെടാനുള്ള സാഹചര്യമില്ലെന്നും ആരോഗ്യനില തൃപ്തികരമായതിനെ തുടർന്ന് 5 പേരെയും പുലർച്ചെ ഡിസ്‍ചാർജ് ചെയ്തതായും ആശുപത്രി അധികൃതർ അറിയിച്ചു.

Eng­lish summary;Food poi­son­ing dur­ing train trav­el; A fam­i­ly of five sought treatment

You may also like this video;