കേന്ദ്ര സർക്കാരിനെ ലോക്സഭയില്‍ രൂക്ഷമായ ഭാഷയില്‍ വിമര്‍ശിച്ച് കോൺഗ്രസ് പാര്‍ലമെന്‍ററി പാര്‍ട്ടി ലീഡര്‍ അധീർ രഞ്ജൻ ചൗധരി, പ്രതിപക്ഷം ഏതെങ്കിലും വിഷയത്തെക്കുറിച്ച് സംസാരിക്കുമ്പോള്‍എന്തുകൊണ്ടാണ് ഭരണപക്ഷം ഇത്രവ്യാകുലപ്പെടുന്നതെന്നും അദ്ദേഹം ചോദിച്ചു.സര്ക്കാരിന്റെ തെറ്റായ നയങ്ങള്‍ ചൂണ്ടികാട്ടുന്നതു പ്രതിപക്ഷകടമയാണെന്നും ചൗധരി അഭിപ്രായപ്പെട്ടു.
1962ലെ ഇന്ത്യാ-ചൈന യുദ്ധത്തിന് ശേഷം പാർലമെന്റിൽ മണിക്കൂറുകളോളം അതിനെച്ചൊല്ലി വാദപ്രതിവാദങ്ങൾ നടന്നു. എന്നാല്‍ ചൈനയുടെ പ്രകോപനപരമായി നടപടി ചർച്ച ചെയ്യാൻ സർക്കാർ തയ്യാറാകുന്നില്ലെന്നും അദ്ദേഹം കൂട്ടിച്ചേർത്തു.ഇന്ത്യയുടെ പ്രദേശത്ത് ചൈന പാലം പണിയുകയാണെന്നും കോൺഗ്രസ് നേതാവ് അവകാശപ്പെട്ടു.ഇക്കാര്യത്തില്‍ കേന്ദ്ര സര്‍ക്കാര്‍ ഒളിച്ചുകളി നടത്തുകയാണെന്നും അധീർ രഞ്ജൻ ചൗധരി അഭിപ്രായപ്പെട്ടു
ചൈന നമ്മുടെ പ്രദേശത്തേക്ക് കടന്നിട്ടില്ലെങ്കിൽ, ഇന്ത്യയും ചൈനയും തമ്മിൽ അതിര്‍ത്തിയില്‍ തത്സ്ഥിതി പുനഃസ്ഥാപിക്കണമെന്ന് വിദേശകാര്യമന്ത്രി ജയശങ്കര്‍ പറഞ്ഞത് എന്തുകൊണ്ട്, എന്തുകൊണ്ടാണ് ഇരു സേനകളും തമ്മിൽ 16 തവണ ചർച്ചകൾ നടത്തേണ്ടി വന്നത്, പാങ്കോങ് തടാകത്തിൽ ചൈന പാലം നിർമിക്കുന്നതായി സാറ്റലൈറ്റ് ചിത്രങ്ങൾ വ്യക്തമാക്കുന്നു. ഡെപ്‌സാങ്ങ്, ഡെംചോക്ക് മേഖലകളിൽ, നമ്മുടെ സൈന്യത്തിന് മുമ്പ് അവർ തുരന്നിരുന്നിടത്ത് തുരത്താൻ കഴിയുന്നില്ല, തുടങ്ങിയ ചോദ്യങ്ങളും അദ്ദേഹം ഉന്നയിക്കുന്നു. രാജീവ്ഗാന്ധി ഫൗണ്ടേഷൻ ചൈനയിൽ നിന്ന് സംഭാവന സ്വീകരിക്കുന്നുവെന്ന ബിജെപിയുടെ ആരോപണള്‍ തെറ്റാണെന്നും അദ്ദേഹം പറഞ്ഞു. ബിജെപിയുടെ കീഴിലല്ലേ ഇഡി, സിബിഐ, ഇന്‍കംടാക്സ് എന്നിവയുണ്ട്, എന്നിട്ടും, എത്ര പണം ഫൗണ്ടേഷന് സംഭാവന ചെയ്തുവെന്ന് കണ്ടെത്താൻ ആർക്കും കഴിഞ്ഞിട്ടില്ല.
നിരവധി ചൈനീസ് കമ്പനികൾ ഇന്ത്യയിൽ ബിസിനസ് ചെയ്യുന്നതിനായി പിഎം കെയേഴ്സ് ഫണ്ടിലേക്ക് സംഭാവന നൽകിയിട്ടുണ്ടെന്നും അദ്ദേഹം ആരോപിച്ചു.പിഎം കെയർസ് ഫണ്ടിലേക്ക് എത്ര ചൈനീസ് കമ്പനികൾ സംഭാവന നൽകിയെന്ന് പറയാൻ ബിജെപി നേതാക്കളെ ഞാൻ വെല്ലുവിളിക്കുന്നു. ഗാൽവാൻ സംഭവത്തിന് ശേഷം, ചൈനയുടെ വ്യാപാരത്തിൽ നിന്ന് നാം അകന്നുപോകേണ്ടിയിരുന്നപ്പോൾ, അവരിൽ നിന്നുള്ള നമ്മുടെ ഇറക്കുമതി യഥാർത്ഥത്തിൽ ഉയർന്നു. ഇന്ത്യയിൽ ബിസിനസ്സ് ചെയ്യുന്നതിനായി ഒന്നല്ല, നിരവധി ചൈനീസ് കമ്പനികൾ ഇതിന് സംഭാവന നൽകിയിട്ടുണ്ടെന്ന് എനിക്ക് പറയാൻ കഴിയും. അതുകൊണ്ടാണ്3,560ഇന്ത്യൻകമ്പനികൾക്ക്ചൈനീസ്ഡയറക്ടർമാരുള്ളത്. നിങ്ങൾക്ക് പോയി പരിശോധിക്കാം, അദ്ദേഹം പറഞ്ഞു.
ഇന്ത്യ‑ചൈന സൈനികർ തമ്മിലുള്ള സമീപകാല ഏറ്റുമുട്ടലിനെക്കുറിച്ച് വ്യക്തമായ പരാമർശത്തിൽ, ലഡാക്കിന്റെയും അരുണാചലിന്റെയും ഭാഗത്ത് ചൈന ആക്രമണ തയ്യാറെടുപ്പ്” നടത്തുമ്പോൾ, ഇന്ത്യൻ സർക്കാർ ഉറക്കത്തിലാണ് എന്ന് രാഹുൽ ഗാന്ധി ആരോപിച്ചു. ഈ പരാമർശം ബിജെപിയിൽ നിന്ന് വൻ വിമർശനത്തിന് ഇടയാക്കിയിരുന്നു. കോൺഗ്രസ് നേതാവിന് ചൈനക്കാരുമായുള്ള അടുപ്പം ചോദ്യം ചെയ്തുകൊണ്ട് ഭരണകക്ഷി കടുത്ത ആക്രമണം അഴിച്ചുവിട്ടു, രാജീവ് ഗാന്ധി ഫൗണ്ടേഷന് കമ്മ്യൂണിസ്റ്റ് പാർട്ടി ഓഫ് ചൈനയിൽ നിന്ന് സംഭാവനകൾ ലഭിച്ചുവെന്ന് ആരോപിച്ചു.
ഏകപക്ഷീയമായി സ്ഥിതിഗതികൾ മാറ്റാൻ ശ്രമിച്ച് അരുണാചൽ പ്രദേശിലെ തവാങ് സെക്ടറിലെ യാങ്‌സെയിൽ എൽഎസി ലംഘിക്കാൻ ചൈനീസ് സൈന്യം ശ്രമിച്ചുവെന്ന് പ്രതിരോധ മന്ത്രി രാജ്‌നാഥ് സിംഗ് പാർലമെന്റിൽ പറഞ്ഞു. ലോക്‌സഭയിലും രാജ്യസഭയിലും നടത്തിയ പ്രസ്താവനയിൽ, കാര്യങ്ങള്‍ സംഘർഷത്തിലേക്ക് നയിച്ചു, ഇത് ഇരുവശത്തുമുള്ള സൈനികര്‍ക്ക് പരിക്കേൽക്കുകയും എന്നാൽ ഇന്ത്യൻ സൈനികർക്ക് മരണങ്ങളോ ഗുരുതരമായ പരിക്കുകളോ ഉണ്ടായിട്ടില്ല എന്നും സിങ് പറഞ്ഞു
English Summary:
How many Chinese companies contributed to PM Cares Fund; Adhirranjan Chaudhary challenged BJP
YOU may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.