February 3, 2023 Friday

Related news

January 31, 2023
December 1, 2022
November 23, 2022
October 26, 2022
September 9, 2022
August 30, 2022
July 17, 2022
July 12, 2022
June 6, 2022
April 7, 2022

കോവിഡ് പ്രതിസന്ധിയിലും മില്‍മയുടെ വിറ്റുവരവില്‍ 25 ശതമാനം വര്‍ധന

Janayugom Webdesk
തിരുവനന്തപുരം
April 7, 2022 9:50 pm

കോവിഡ് പ്രതിസന്ധിയിലും പാല്‍ സംഭരണത്തിലും വില്‍പ്പനയിലും നേട്ടം കൊയ്ത് മില്‍മ. മുന്‍വര്‍ഷത്തെ അപേക്ഷിച്ച് വിറ്റുവരവില്‍ 25 ശതമാനത്തിന്റെ വര്‍ധനവാണ് കഴിഞ്ഞ സാമ്പത്തിക വര്‍ഷത്തില്‍ രേഖപ്പെടുത്തിയത്. കഴിഞ്ഞ രണ്ട് സാമ്പത്തിക വര്‍ഷങ്ങളില്‍ സംഭരണവില കുറയ്ക്കാതെയും വില്പനവില വര്‍ധിപ്പിക്കാതെയും മില്‍മയ്ക്ക് ഉയര്‍ന്ന വിറ്റുവരവ് നേടാനായി എന്നത് ശ്രദ്ധേയമാണ്. 4300 കോടി രൂപയാണ് 2021 — 22 ലെ മില്‍മയുടെ പ്രൊവിഷണല്‍ വിറ്റുവരവ്. കോവിഡ് ലോക്ഡൗണ്‍ ഘട്ടത്തില്‍ പാല്‍ ശേഖരണത്തിലും വിതരണത്തിലുമുണ്ടായ തടസങ്ങള്‍ മില്‍മ വേഗത്തില്‍ മറികടന്നുവെന്നാണ് ഈ കണക്കുകള്‍ സൂചിപ്പിക്കുന്നത്.

2020–21 ല്‍ പാലി ശരാശരി പ്രതിദിന സംഭരണം 13,50,656 ലിറ്റര്‍ ആയിരുന്നത് 12.52 ശതമാനം വര്‍ധിച്ച് 15,19,737 ലിറ്ററായി. പ്രതിദിന ശരാശരി പാല്‍ വില്‍പ്പന 2020–21 ല്‍ 13,09,868 ലിറ്ററായിരുന്നത് 2021–22 ല്‍ 9.14 ശതമാനം വര്‍ധിച്ച് 14,29,654 ലിറ്ററായി.

സര്‍ക്കാരിന്റെ സമയോചിതമായ ഇടപെടലും പിന്തുണയും ക്ഷീരമേഖല വന്‍ പ്രതിസന്ധിയിലേക്ക് കൂപ്പുകുത്തുന്നത് ഒഴിവാക്കാനും സഹായിച്ചു. മലബാര്‍ മേഖലയില്‍ അധികം വരുന്ന പാല്‍ പൊടിയാക്കി മാറ്റുന്നതിനായി 53.93 കോടി ചെലവഴിച്ച് മലപ്പുറം മൂര്‍ക്കനാട് ഫാക്ടറി സ്ഥാപിക്കുന്നുണ്ട്. ഈ പദ്ധതിക്കു വേണ്ടി സ്റ്റേറ്റ് പ്ലാന്‍ ഫണ്ട് വഴി 15 കോടി രൂപ അനുവദിച്ചു. വിപണി വിപുലീകരിക്കുന്നതിന്റെ ഭാഗമായി കെടിഡിസി, സപ്ലൈകോ, കുടുംബശ്രീ, കെഎസ്ആര്‍ടിസി, ദേവസ്വം ബോര്‍ഡ് തുടങ്ങിയ വിവിധ വകുപ്പുകളുമായി യോജിച്ചുള്ള പ്രവര്‍ത്തനങ്ങള്‍ മില്‍മ നടത്തിവരുന്നുണ്ട്.

Eng­lish Summary:Milma’s turnover ris­es 25% despite covid crisis
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.