ശബരിമലയിലെ പ്രശ്നങ്ങള് പരിഹരിക്കാന് ആവശ്യമായ നടപടികള് സ്വീകരിച്ചതായി ദേവസ്വം മന്ത്രി കെ രാധാകൃഷ്ണന്. ഒരു ലക്ഷത്തിലധികം ഭക്തര് ഒന്നിച്ചെത്തിയദ ദിവസമാണ് പ്രതിസന്ധി രൂക്ഷമായത്. ഇത് രാഷ്ട്രീയ മുതലെടുപ്പിന് ഉപയോഗിക്കുകയാണ് . അനിയന്ത്രിതമായി ഭക്തരെത്തുമ്പോള് പ്രശ്നങ്ങള് സ്വാഭാവികമാണെന്നും മന്ത്രി രാധാകൃഷ്ണന് പറഞ്ഞു.
ഒരു ലക്ഷത്തിലധികം ഭക്തരെത്തുമ്പോള് ചില പ്രയാസങ്ങളുണ്ടാകും. അവ തരണംചെയ്യാന് വേണ്ട ഇടപെടല് നടത്തിയിട്ടുണ്ട്. ഒരു ദിവസത്തിന്റെ പ്രശ്നമാണ്.അതിന്റെ പേരില് വലിയ രീതിയിലുള്ള രാഷ്ട്രീയ മുതലെടുപ്പുകള് നടത്താന് കഴിയുമോയെന്നുള്ള പരീക്ഷണമാണ് നടക്കുന്നത്.അനിയന്ത്രിതമായി തിരക്ക് വരുമ്പോള് സ്വഭാവികമായി ഉണ്ടാവുന്ന പ്രശ്നമാണ്, മന്ത്രി പറഞ്ഞു.
സ്പോട്ട് ബുക്കിങ്ങിന്റെ എണ്ണം കുറച്ചു. വിര്ച്വല് ക്യൂവിലെ തൊണ്ണൂറായിരം എണ്പതിനായിരമായി കുറച്ചു. ഭക്തര്ക്ക് വേണ്ട വാഹനങ്ങളുള്പ്പടെയുള്ള സൗകര്യങ്ങൾ എത്തിച്ചു. കുടിവെള്ള പ്രശ്നം പരിഹരിക്കാന് സംവിധാനങ്ങളൊരുക്കി. ബീറ്റ് ഫോറസ്റ്റ് ട്രെയിനികളുള്പ്പടെ കൂടുതല് ആളുകളെ ഡ്യൂട്ടിക്ക് നിയോഗിച്ചു. ഇരുമുടിക്കെട്ടില്ലാതെ ഭക്തര് എത്തുന്നുണ്ട്. അവര് സ്വയം നിയന്ത്രിച്ച് ഇരുമുടിക്കെട്ടുമായി എത്തുന്ന ഭക്തര്ക്കുവേണ്ടി മാറിക്കൊടുക്കണമെന്നും മന്ത്രി കൂട്ടിച്ചേർത്തു.
English Summary:
Minister K Radhakrishnan said necessary steps have been taken to solve the problems at Sabarimala
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.