20 May 2024, Monday

Related news

April 23, 2024
April 21, 2024
April 20, 2024
April 17, 2024
April 16, 2024
April 15, 2024
March 31, 2024
March 23, 2024
March 3, 2024
February 8, 2024

പ്രധാനമന്ത്രിയുടെ പ്രസംഗം പെരുമാറ്റച്ചട്ടലംഘനം: ഡി രാജ

Janayugom Webdesk
ന്യൂഡല്‍ഹി
April 23, 2024 8:18 pm

രാജസ്ഥാനിലെ ബൻസ്വാരയിൽ പ്രധാനമന്ത്രി നരേന്ദ്ര മോഡി നടത്തിയ വിദ്വേഷ പ്രസംഗം തെരഞ്ഞെടുപ്പ് പെരുമാറ്റച്ചട്ടത്തിന്റെ നഗ്നമായ ലംഘനമാണെന്ന് സിപിഐ ജനറൽ സെക്രട്ടറി ഡി രാജ. ജനപ്രാതിനിധ്യ നിയമത്തിലെ 123(3) വകുപ്പും ചട്ടങ്ങളും പ്രകാരം ഏതെങ്കിലും ഒരു സമുദായത്തെ ലക്ഷ്യംവയ്ക്കുന്നത് കടുത്ത ലംഘനമാണെന്ന് കേന്ദ്ര തെരഞ്ഞെടുപ്പ് കമ്മിഷന് നൽകിയ കത്തിൽ രാജ പറഞ്ഞു.
ഇതുസംബന്ധിച്ച് നിരവധി സർക്കുലറുകൾ കേന്ദ്ര തെരഞ്ഞെടുപ്പ് കമ്മിഷൻ പുറപ്പെടുവിച്ചിട്ടുണ്ട്. കഴിഞ്ഞ മാർച്ച് ഒന്നിനാണ് ഇക്കാര്യം ചൂണ്ടിക്കാട്ടിയുള്ള അവസാന സർക്കുലർ പുറപ്പെടുവിച്ചത്. 

പ്രധാനമന്ത്രിയുടെ പ്രസംഗം പ്രകോപനപരവും നിയമവിരുദ്ധവും മാത്രമല്ല സമുദായങ്ങൾക്കിടയിൽ വിദ്വേഷം വളർത്തുന്നതും ആണെന്ന് വ്യക്തമാണെന്ന് രാജ അഭിപ്രായപ്പെട്ടു. അദ്ദേഹം മംഗളസൂത്ര പരാമർശിക്കുമ്പോൾ ഹിന്ദു സമൂഹത്തെയും നുഴഞ്ഞുകയറ്റക്കാരൻ എന്ന് പരാമർശിക്കുമ്പോൾ അർത്ഥമാക്കുന്നത് മുസ്ലിം സമുദായത്തെയുമാണ്. ഈ സാഹചര്യത്തിൽ അദ്ദേഹത്തിനെതിരെ നടപടി സ്വീകരിക്കണമെന്ന് രാജ കത്തിൽ ആവശ്യപ്പെട്ടു. 

Eng­lish Sum­ma­ry: PM’s speech breach of code of con­duct: D Raja

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.