10 February 2025, Monday
KSFE Galaxy Chits Banner 2

രണ്ട് കവിതകൾ

കണ്ടല്ലൂർ ലാഹിരി
October 15, 2023 10:30 am

1. പ്രണയ ആത്മഹത്യ

മഴവില്ല് എന്ന
കാമുകി പെണ്ണ്
സ്നേഹിച്ച് വഞ്ചിച്ചിട്ട്
ഒരുനാൾ
ഒന്നും പറയാതെ മാഞ്ഞുപോയി
ആ നിരാശയിലാണ്
മഴ
ആകാശ കെട്ടിടത്തിൽ നിന്നും
താഴേക്ക് ചാടി
ആത്മഹത്യ ചെയ്തത്.

2.കാമുകിയെയും പൂജ വെച്ചു

മറവിയുടെ
ബീഡിത്തെറുപ്പിൽ
കാമുകിയെ
പൊതിഞ്ഞു കെട്ടി
പൂജ വെച്ചു
പുകയായി വലിച്ചുതീർത്ത്
അവൾ ശൂന്യമായി
മറ്റൊരു വിവാഹത്തിന്റെ
വിജയദശമിദിനം
വന്നു
ചില പ്രേരണകൾ
എന്നെ എഴുത്തിനിരുത്തി
അരിയിൽ
വേറൊരുവളുടെ
പേരും എഴുതി പഠിച്ച്
ദാമ്പത്യ വിദ്യാരംഭം
കുറിക്കുന്നു 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.