ഭരണഘടന തത്വങ്ങള്‍ക്ക് വിരുദ്ധമായി പൗരത്വം മതത്തിന്റെ പേരില്‍ നല്‍കാന്‍ ലക്ഷ്യമിട്ട് കേന്ദ്രം ഭരിക്കുന്ന ബിജെപി സര്‍ക്കാര്‍ കൊണ്ടുവന്ന പൗരത്വ ഭേദഗതി നിയമത്തിനെതിരായ ഹാര്‍ജികള്‍19ന് കേൾക്കുമെന്ന്‌ സുപ്രീംകോടതി. ചീഫ്‌ ജസ്റ്റിസ്‌ ഡി വൈ ചന്ദ്രചൂഡ്‌ അധ്യക്ഷനായ ബെഞ്ചിന്‌ മുമ്പാകെ മുതിർന്ന അഭിഭാഷകൻ കപിൽ സിബലാണ്‌ വിഷയം പരാമർശിച്ചത്‌.
അടിയന്തരമായി ഹർജികൾ കേൾക്കണമെന്നും കേന്ദ്രം പാസാക്കിയ നിയമം അനുസരിച്ച്‌ പൗരത്വം നൽകിയാൽ അത്‌ തിരുത്താനാകില്ലെന്നും അദ്ദേഹം വ്യക്തമാക്കി. ലോക്‌സഭാ തെരഞ്ഞെടുപ്പിന്‌ തൊട്ടുമുമ്പാണ്‌ ചട്ടങ്ങൾ പുറത്തിറക്കിയതെന്നും സിബൽ പറഞ്ഞു.190 ഹർജികളുണ്ടെന്നും എല്ലാം ഒരുമിച്ച്‌ പത്തൊമ്പതിന്‌ കേൾക്കാമെന്നും ചീഫ്‌ ജസ്റ്റിസ്‌ അറിയിച്ചു. പൗരത്വ നിയമം മുസ്ലിങ്ങൾക്കെതിരെയുള്ളതാണെന്ന്‌ ചൂണ്ടിക്കാട്ടി ഡിവൈഎഫ്‌ഐ, സിപിഐ, മുസ്ലിംലീഗ്‌ തുടങ്ങിയ കക്ഷികളാണ്‌ സുപ്രീംകോടതിയെ സമീപിച്ചത്‌.
English Summary:
The Supreme Court will hear the petitions against the Citizenship Act on the 19th
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.