20 June 2024, Thursday

തേയാതെ

എൻ കെ ഷീല
January 29, 2023 3:05 pm

കൈ പിടിച്ച പങ്കായം
പ്രണയത്തിന്റെ നെഞ്ചിൽ കുത്തിയൊരു
തോണി യാത്ര
അങ്ങനെയാണ് തുടക്കം

ആദ്യമൊക്കെ ഇളങ്കാറ്റു പോലും
ആറിനെ കൊണ്ടുവന്ന്
ഇടതും വലതും തിക്കി
യാത്രയിലുരസും

ഓർമ്മകൾ വട്ടം വെച്ച്
തോണിയുലയും
പങ്കായത്തിൽ മുറുക്കിപ്പിടിച്ച്
കണ്ണും പൂട്ടി ആഞ്ഞുകുത്തും

ഇരുത്തം വന്നപ്പോൾ
തിരിഞ്ഞുനോക്കാൻ
ധൈര്യമായപ്പോൾ, കണ്ടു -
പുഴയുണ്ട് കൂടെ

എത്ര കുത്തിയിട്ടും
ഇത്രത്തോളമെത്തിക്കാൻ
ഒപ്പമുണ്ടായിരുന്നല്ലേയെന്ന്
അന്നേരമുള്ളൊന്നു നീറി

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.