ബസ് കൊക്കയിലേക്ക് മറിഞ്ഞ് 22 മരണം

ഉത്തരാഖണ്ഡിലെ ഉത്തരകാശി ദാംതയ്ക്ക് സമീപം ബസ് കൊക്കയിലേക്ക് മറിഞ്ഞ് 22 പേർ മരിച്ചു. ആറ് പേർക്ക് പരിക്കേറ്റു. മധ്യപ്രദേശിലെ പന്ന ജില്ലയിൽ നിന്ന് 28 തീർത്ഥാടകരുമായി യമുനോത്രിയിലേക്ക് പോവുകയായിരുന്നു ബസ്.

പ്രാദേശിക ഭരണകൂടവും എസ്ഡിആർഎഫ് ടീമുകളും രക്ഷാപ്രവർത്തനത്തിൽ ഏർപ്പെട്ടിട്ടുണ്ടെന്നും പരിക്കേറ്റവരെ ചികിത്സയ്ക്കായി അടുത്തുള്ള ആശുപത്രിയിലേക്ക് കൊണ്ടുപോകുകയാണെന്നും ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമി പറഞ്ഞു.

പരിക്കേറ്റവർക്ക് കൃത്യമായ ചികിത്സ നൽകുന്നതിനൊപ്പം രക്ഷാപ്രവർത്തനവും വേഗത്തിലാക്കാൻ ജില്ലാ ഭരണകൂടത്തിന് നിർദേശം നൽകിയിട്ടുണ്ട്. പരിക്കേറ്റവരെ ചികിത്സിക്കുന്നതിനും മൃതദേഹങ്ങൾ മധ്യപ്രദേശിലെത്തിക്കുന്നതിനുമുള്ള ക്രമീകരണങ്ങൾ ചെയ്തിട്ടുണ്ടെന്ന് മുഖ്യമന്ത്രി ശിവരാജ് സിങ് ചൗഹാൻ പറഞ്ഞു.

Eng­lish summary;22 killed as bus turned into deep

You may also like this video;