സംസ്ഥാന സര്ക്കാരിന്റെ കോവിഡ് കണക്കില് അവ്യക്തതയെന്ന് ഹൈക്കോടതി. മരണം കണക്കാക്കുന്നത് സംബന്ധിച്ച സര്ക്കാര് ഉത്തരവില് അവ്യക്തതയുണ്ട്. ഇക്കാര്യത്തില് വിശദീകരണം നല്കാന് സര്ക്കാരിന് ഹൈക്കോടതി നിര്ദേശം നല്കി. സ്വകാര്യ ആശുപത്രികളിലെ ചികിത്സാ നിരക്ക് സംബന്ധിച്ച ഹര്ജി പരിഗണിക്കുന്നതിനെയാണ് കോടതിയുടെ പരാമര്ശം.
കോവിഡ് നെഗറ്റീവ് ആയി മുപ്പത് ദിവസത്തിന് ശേഷവും സംഭവിക്കുന്ന മരണങ്ങളെ കോവിഡ് കേസുകളായി കണക്കാക്കുന്നതിലാണ് കോടതി ആശയക്കുഴപ്പം ചൂണ്ടിക്കാട്ടിയത്. ഇത്തരം ആശങ്ക നിലവിലുണ്ടെങ്കില് അതില് വ്യക്തത വരുത്തണമെന്നാണ് കോടതി സര്ക്കാരിന് നിര്ദേശം നല്കിയിട്ടുള്ളത്. കോവിഡ് മാറിയതിന് ശേഷമുള്ള ചികിത്സയക്ക് പണം ഈടാക്കുന്നത് സംബന്ധിച്ച കാര്യങ്ങളിലും വ്യക്തത വരുത്തേണ്ടതുണ്ടെന്ന് കോടതി നിര്ദേശിച്ചു.
ആലപ്പുഴയില് ആരോഗ്യപ്രവര്ത്തകയക്ക് നേരെയുണ്ടായ ആക്രണത്തിലും ഹൈക്കോടതി ആശങ്ക പ്രകടിപ്പിച്ചു. കുറ്റക്കാര്ക്കെതിരെ കര്ശന നടപടി സ്വീകരിക്കണമെന്നും, ഇത്തരം സംഭവങ്ങള് ആവര്ത്തിക്കാതിരിക്കാനുള്ള കരുതല് ഉണ്ടാകണമെന്നും കോടതി സര്ക്കാരിന് നിര്ദേശം നല്കി.
english summary;High Court directs govt to provide details of covid figures
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.