23 July 2024, Tuesday
KSFE Galaxy Chits Banner 2

Related news

April 29, 2024
April 2, 2024
November 29, 2023
October 7, 2023
September 30, 2023
September 28, 2023
September 15, 2023
September 4, 2023
May 26, 2023
May 24, 2023

വിദേശ പണമൊഴുക്കില്‍ ഇന്ത്യ ഒന്നാം സ്ഥാനത്ത്

Janayugom Webdesk
ന്യൂഡല്‍ഹി
September 15, 2023 10:52 pm

വിദേശത്ത് നിന്നുള്ള പണമയയ്ക്കലില്‍ ഇന്ത്യ ഒന്നാം സ്ഥാനത്തെന്ന് ലോകബാങ്ക് രേഖകള്‍. ചൈന രണ്ടാം സ്ഥാനത്തും മെക്സിക്കോ മൂന്നാം സ്ഥാനത്തുമാണ്. 8315 കോടി ഡോളറാണ് 2020ല്‍ വിദേശ രാജ്യങ്ങളില്‍ നിന്നും ഇന്ത്യയിലേക്ക് അയച്ചതെന്ന് വേള്‍ഡ് മൈഗ്രേഷൻ റിപ്പോര്‍ട്ട് 2022 വ്യക്തമാക്കുന്നു.
ചൈനയിലേക്കുള്ള വിദേശ പണമയയ്ക്കല്‍ 5951 കോടി ഡോളറും മെക്സിക്കോയുടേത് 4288 കോടി ഡോളറുമാണെന്നും രേഖകള്‍ വ്യക്തമാക്കുന്നു. അനൗപചാരികമായോ മറ്റു രീതികളിലോ നല്‍കുന്ന പണത്തിന്റെ കണക്ക് ഇതില്‍ ഉള്‍പ്പെടുത്തിയിട്ടില്ല. അതുകൊണ്ടു തന്നെ യഥാര്‍ത്ഥ കണക്കുകള്‍ ഇതിലും കൂടുതലായിരിക്കുമെന്നാണ് വിലയിരുത്തല്‍. 2015ല്‍ ഇന്ത്യയുടെ അന്താരാഷ്ട്ര പണമിടപാട് 6890 കോടി ഡോളറായിരുന്നു. 

അമേരിക്കയില്‍ നിന്നാണ് കൂടുതല്‍ തുക അയച്ചത്. 6800 കോടി ഡോളര്‍. യുഎഇയില്‍ നിന്ന് 4320 കോടി ഡോളര്‍, സൗദി അറേബ്യ- 3460 കോടി ഡോളര്‍, സ്വിറ്റ്സര്‍ലാൻഡ് ‑2796 കോടി ഡോളര്‍, ജര്‍മ്മനി-2200 കോടി ഡോളര്‍ എന്നിങ്ങനെയാണ് കണക്കുകള്‍.
കഴിഞ്ഞ ദശാബ്ദത്തില്‍ പണമിടപാടില്‍ ഗണ്യമായ വര്‍ധനയുണ്ടായതായും 2000 ത്തില്‍ 12,600കോടി ഡോളറിന്റെ ഇടപാടുണ്ടായപ്പോള്‍ 2020ല്‍ 70,200 കോടി ഡോളറിന്റെ ഇടപാടാണ് ഉണ്ടായതെന്നും റിപ്പോര്‍ട്ട് വ്യക്തമാക്കുന്നു.
2020ല്‍ കോവിഡ് കാരണം അന്താരാഷ്ട്ര പണമിടപാടില്‍ കുറവുണ്ടായെങ്കിലും 2019 നെക്കാള്‍ 2.4 ശതമാനത്തിന്റെ കുറവ് മാത്രമാണ് ഉണ്ടായതെന്നും റിപ്പോര്‍ട്ടില്‍ പറയുന്നു.

Eng­lish Sum­ma­ry: India ranks first in for­eign remittances

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.