21 July 2024, Sunday
KSFE Galaxy Chits Banner 2

Related news

July 10, 2024
May 11, 2024
May 2, 2024
April 22, 2024
March 22, 2024
February 21, 2024
February 17, 2024
February 16, 2024
January 6, 2024
January 5, 2024

ചന്ദ്രോപരിതലം തൊട്ട് ചന്ദ്രയാൻ 3; ആദ്യ ചിത്രങ്ങൾ പുറത്തുവിട്ടു, വിവരങ്ങൾ പങ്കുവച്ച് ഇസ്രോ

Janayugom Webdesk
ശ്രീഹരികോട്ട
August 24, 2023 8:35 am

ചന്ദ്രോപരിതലം തൊട്ട ചന്ദ്രയാൻ 3 ന്റെ വിക്രം ലാൻഡർ പകർത്തിയ ചിത്രങ്ങൾ ഇന്ത്യൻ സ്പേസ് റിസർച്ച് ഓർഗനൈസേഷൻ (ഇസ്രോ) പുറത്തുവിട്ടു. ലാൻഡർ ഹോറിസോണ്ടൽ വെലോസിറ്റി ക്യാമറ പകർത്തിയ ചിത്രങ്ങളാണ് ഐഎസ്ആർഒ പുറത്തുവിട്ടത്.
ചന്ദ്രയാൻ 3 ചന്ദ്രോപരിതലത്തിൽ ഇറങ്ങുന്നതിനിടെ പകർത്തിയ ചിത്രങ്ങളാണ് ഇസ്രോ പുറത്തുവിട്ടത്. ലാൻഡറിൻ്റെ കാലുകളുടെ നിഴലൂം കൂടി കാണാവുന്ന ചിത്രങ്ങളാണ് പുറത്തുവന്നത്. ലാൻഡിങ് നടന്നപ്പോഴുണ്ടായ പൊടിപടലങ്ങൾ നീങ്ങിയതോടെ കൂടുതൽ ചിത്രങ്ങൾ വൈകാതെ പുറത്തുവിടും.വിക്രം ലാൻഡറിൽ നിന്നുള്ള ബന്ധം ബെംഗളൂരുവിലെ ഇസ്ട്രാകുമായി പുനഃസ്ഥാപിച്ചതായി ഇസ്രോ അറിയിച്ചു. ഇന്ത്യയുടെ ചന്ദ്ര ദൗത്യമായ ചന്ദ്രയാൻ 3 ബുധനാഴ്ച വൈകീട്ട് 6.03ന് ചന്ദ്രനിൽ വിജയകരമായി സോഫ്റ്റ് ലാൻഡിങ് നടത്തുകയായിരുന്നു. നേരത്തെ നിശ്ചയിച്ച സമയത്ത് തന്നെയാണ് ലാൻഡിങ് വിജയകരമായി നടന്നത്. ഇതോടെ ചന്ദ്രന്റെ ദക്ഷിണധ്രുവ മേഖലയിൽ ലാൻഡിങ് നടത്തുന്ന ആദ്യ രാജ്യമായി ഇന്ത്യ മാറി.
ചന്ദ്രോപരിതലത്തിലെ ജലസാന്നിധ്യം, ജലസ്രോതസ്സുകൾ, മനുഷ്യ പര്യവേഷണത്തിനുള്ള സാധ്യതകൾ എന്നിവയാണ് ചന്ദ്രയാൻ 3 പ്രധാനമായും പഠിക്കുക. ദൗത്യം വിജയിച്ചതോടെ അമേരിക്ക, സോവിയറ്റ് യൂണിയൻ, ചൈന എന്നീ രാജ്യങ്ങൾക്ക് ശേഷം ചന്ദ്രനിൽ വിജയകരമായി ലാൻഡിങ് നടത്തുന്ന രാജ്യമായി ഇന്ത്യ. ജൂലൈ പതിനാലിന് ഉച്ചകഴിഞ്ഞ് 2.35നാണ് ചന്ദ്രയാൻ 3 പേടകം ശ്രീഹരിക്കോട്ടയിലെ സതീഷ് ധവാൻ സ്പെയ്സ് സെൻ്ററിൽ നിന്ന് മാർക് 3 റോക്കറ്റിൽ കുതിച്ചുയർന്നത്.

Eng­lish sum­ma­ry; Chan­drayaan 3 touch­es the lunar sur­face; First pic­tures released, infor­ma­tion shared by ISRO

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.