സൈഡസ് കാഡിലയുടെ സൈകോവ് ഡി വാക്സിന്‍റെ അടിയന്തര ഉപയോഗത്തിന് ഡിസിജി‌ഐ അനുമതി നല്‍കി. രാജ്യത്ത് അനുമതി ലഭിക്കുന്ന ആറാമത്തെയും പൂര്‍ണമായും തദ്ദേശീയമായ രണ്ടാമത്തെയും കോവിഡ് വാക്സിനാണ് സൈഡസ് കാഡിലയുടേത്.
അഹമ്മദാബാദ് ആസ്ഥാനമായ കാഡില ഹെല്‍ത്ത് കെയര്‍ ലിമിറ്റഡിന്‍റെ സൈകോവ് ഡി ആദ്യ പ്ലാസ്മിഡ് ഡിഎന്‍എ വാക്സീനാണ്. 28 ദിവസത്തെ ഇടവേളകളില്‍ മൂന്ന് ഡോസ്. സൂചി കൊണ്ട് കുത്തിവയ്പ്പില്ല. പകരം ജെറ്റ് ഇഞ്ചക്ടര്‍ ഉപയോഗിച്ച് ചര്‍മ്മത്തോട് ചേര്‍ന്നുള്ള കോശങ്ങളിലേയ്ക്ക് വാക്സിന് കടത്തിവിടുന്നു. സൂചി ഉപയോഗിച്ച് വാക്സിന് നല്‍കുമ്പോഴത്തെ വേദനയും കുത്തിവയ്പ്പെടുത്ത ഭാഗത്തെ പാര്‍ശ്വഫലങ്ങളും ഒഴിവാക്കാം.
കോവാക്സിനുശേഷം പൂര്‍ണമായും തദ്ദേശീയമായി വികസിപ്പിച്ച വാക്സീന്‍. ലക്ഷണങ്ങളോടു കൂടിയ കോവിഡിനെ 66.6 ശതമാനം പ്രതിരോധിച്ചതായാണ് പഠന റിപ്പോര്‍ട്ടുകള്‍ പറയുന്നു. 12നും 18നും ഇടയില്‍ പ്രായമുള്ള ആയിരം പേരുള്‍പ്പടെ 28,000 പേരില്‍ പരീക്ഷണം നടന്നു.
അതിനിടെ, ഇന്ത്യയില്‍ 12നും 17നും ഇടയില്‍ പ്രായമുള്ളവരിലെ പരീക്ഷണത്തിന് ജോണ്‍സണ്‍ ആന്‍ഡ് ജോണ്‍സണ്‍ അനുമതി തേടി. രാജ്യത്ത് 24 മണിക്കൂറിനിടെ 36,571 കോവിഡ് കേസുകളും 540 മരണവും റിപ്പോര്‍ട്ട് ചെയ്തു. രോഗമുക്തി നിരക്ക് 97.54 ശതമാനമായി ഉയര്‍ന്നു.
English summary; dcgi approves zycov-d-covid-vaccine
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.